INTERVISTAS

Pregontas de Diegu Corràine
Su film documentàriu "BOGRE – la grande eresia europea, essidu in su 2021, est s’ùrtimu film tuo. Comente t’est bènnida s’idea?
Isto in s’Oriente estremu de Otzitània (sas baddes otzitanas in Itàlia). So in intro de sa chistione otzitana dae cando tenia binti annos (como nde tèngio 74), so, comente si narat, unu militante otzitanu. Mi so ocupadu de polìtica, limba e cultura de s’Otzitània. S’eresia catara la connoschia sende chi non fiat in su tzentru de sos (…)

«In totu custos annos de traballu culturale in prode de su sardu, si est beru chi est peorada sa cantidade e sa calidade, est crèschida meda sa cussèntzia pro sa limba. A dolu mannu, però, in s’iscola, manchende s’impreu e presèntzia normale de sa limba, cun sa possibilidade de fàghere in sardu, in manera ordinària, curricolare, totu sas matèrias e a su nessi su mesu de s’oràriu, non bido profetu mannu, finas ca sas letziones sunt fatas dae personale esternu e non dae sos professores de ruolu.»