GIAGU LEDDA

Nàschidu in Uri (Tàtari) in su 1949, de limba materna sarda.
Laureadu in Meighina e Chirurgia in s’Universidade de Bartzellona, ispetzializadu in Anestesiologia e Reanimatzione, at traballadu finas a sa giubilatzione in sa sanidade pùblica catalana.
Dae su frantzesu at traduidu artìculos pro sa versione sarda de “Le monde diplomatique” e “Le Courrier de l’Unesco”.
Dae su catalanu at traduidu e publicadu in sardu sos libros: Sa pratza de su Diamante de Mercè Rodoreda, Ed. Papiros - Nùgoro 2008; Escalibor - Un cant modernista artúric conquesta el món, d’Alexandre de Riquer, Sial Ediciones - Madrid 2012; Elògiu de sa paràula - Elògiu de sa poesia de Joan Maragall, Logosardigna 2015.
Dae s’italianu at traduidu e publicadu in sardu Pòju Luàdu de Maria Giacobbe, Edes-Tàtari 2012; Sa mama de Grazia Deledda, Logosardigna 2016; Còsima, de Grazia Deledda, Nor 2023; Contos de foghile, Nor 2023.
At compiladu su "Ditzionàriu de tèrmines mèdicos - Plurilìngue Etimològicu - Istòricu", Nor 2022, ùnicu ditzionàriu mèdicu sardu.