HÈCTOR ALÒS I FONT

Est naschidu in Bartzellona in su 1965. Est un linguista e informàticu catalanu.

Annos medas esperantista ativu, est istadu segretàriu de s’Assòtziu catalanu de esperanto e redatore de sa rivista Kataluna Esperantisto. Dae su 2005, est membru de su cussìgiu de amministratzione de s’Internacia Komitato por Etnaj Liberecoj. At publicadu cun Francesc Poblet i Feijoo S’istòria de Esperanto in terra catalana.

Dae su 2009 traballat cun su colletivu Apertium pro creare tradutores automàticos pro limbas minoritàrias e/o cun pagas risorsas eletrònicas. In custu cuntestu, at collaboradu a s’isvilupu de tradutores automàticos pro esperanto, catalanu, otzitanu, arpitanu e, cun Gianfranco Fronteddu, sardu. Como sunt isvilupende, in manera anàloga, unu tradutore automàticu sardu-italianu.

Dae 2009 istat, paris cun sa famlia, in Čeboksary, capitale de sa Repùblica de Tzuvàscia, in s’oru de Mosca.

At traballadu comente sotziolinguista in s’Istitutu de sièntzias umanas de sa Tzuvàscia. Sos temas suos de chirca sunt mescamente sa trasmissione linguìstica intergeneratzionale, sas polìticas linguìsticas in s’iscola, su rendimentu acadèmicu de sos alunnos bilìngues e trilìngues a cunfrontu cun sos monolìngues e su paisàgiu linguìsticu.

Est finas collaboradore de su Centre de Recerca en Sociolingüística i Comunicació de s’Universidade de Bartzellona.